شمالی کشمیر میں آتشزدگی کا پراسرار واقعہ ، مسجد اور لالہ بب صاحب آستان کو شدید نقصان ، تفتیش شروع

سری نگر: شمالی کشمیر کے ضلع بارہمولہ کے ایپل ٹاون سوپور میں بدھ کے روز آتشزدگی کے ایک پراسرار واقعہ میں ایک مسجد اور ایک آستان کو شدید نقصان پہنچا۔ یہ اطلاع آج یہاں سرکاری ذرائع نے دی۔ انہوں نے بتایا کہ سوپور کے آرم پورہ میں واقع ایک مسجد اور لالہ بب صاحب کی آستان سے بدھ کی صبح آگ نمودار ہوئی ۔ انہوں



نے بتایا کہ اس سے قبل کہ فائر ٹینڈرز موقع پر پہنچتے مسجد اور آستان کو بھاری نقصان پہنچا تھا۔ ذرائع نے بتایا کہ آگ بجھانے کی کاروائی میں علاقہ کے سینکڑوں لوگوں نے بھی حصہ لیا۔ پولیس ذرائع نے بتایا کہ آگ لگنے کی وجہ فوری طور پر معلوم نہ ہوسکی ۔ انہوں نے بتایا کہ اس حوالے سے معاملہ درج کرکے تحقیقات شروع کی گئی ہے۔